湯汁豐厚的小籠包 - 金滿庭京川滬菜館

隱世護士長
Sep 23, 2017
2 min read

以前喜愛到上海飯店開餐，因為大件頭又飽肚，價錢又抵。大多數顧客都是點上海粗炒、窩貼、小籠包、酸辣湯、上海雲吞、上海湯麵及客飯。不知道到那時，港人又轉了口味，愛食醉雞，連我最愛食的小籠包及窩貼都起了變化。

以前的小籠包，一客 (即一籠) 有十隻，用好大塊的椰菜葉墊底去蒸，跟隨有一隻大型豉油碟裝著香濃鎮江香醋和很多薑絲。小籠包湯汁豐厚，手剁鮮肉肉質有咬口。我想大约到了 2000 年左右，一客十隻小籠包演變成一客四隻，用牛油紙墊底，連鎮江香醋也不香了，只得幾條幼小得可憐的薑絲。現時的小籠包細小，皮好薄湯汁多，肉餡多用機攪好的肉碎，冇咬口冇彈牙。因為吃不到心目中的小籠包，真渴望可以尋回此味道。

至於鮮肉窩貼方面，兒時一客五隻，窩貼大隻，一客巳可代替一餐飯，當時採用手剁鮮肉有咬口有鮮味，窩貼皮較厚，底煎得香脆帶少許燶邊。又不知何時，窩貼和餃子混埋一堆，又搞出一口乜一口物，將整個窩貼都不倫不類。

想不到偶然去德福花園金滬庭午飯，這裏的小籠包一客八隻，皮薄餡靚，湯汁鮮美，最令我喜出望外是一客有八隻，雖然不是十隻，但都好滿意了。